الزين والوفا والحب فالليبية

smile كتب:روعه
سلمت يداك ياALTAJ

ALTAJ كتب:

الزيـــن يازين في بنات الـــــــعم # متأصلات في جنســـــــهن ليبية
دقة ربا ماتشــوف منـــــــهن هم # ولا تخاف منهن لو عزمت النيه
ان حبّن ايحـــــبن ولا يديـرن ذم # وكون واثقا ماتخاف خونه وسيه
حسن وبها وع الخلق زيد حشم# لا تلقاه في تونس ولا مصــــــريه
ولا تلقى الي ايحبك بقـــلب ودم # لا ف مغربية ولا ف خلــــــــيجيه
ان ردت الوفاء تلقاه فيها ايعـم # اسأل المجرب عن كل شــــــاميه
أسأل اجدودك كيف شــــالت هم # وأسأل الدنيا والعرب جمــــــليه
أسأل الخاطر كيف حـــــــــبه تم # كيف ايتعلم من أصول الـــــــغيه
كيف الحنان الي عــــــــليه التم # وكيف ايتعاطى القلب ف الحنية
وكيف العيون الحــــــالمه تبسم # عند اللقاء بلي امـــنور ضيــــه
ماتبدلك يا شين يا غـــــــــــاشم # ما تبدلك حتى ان درت خطـــــيه
مكتوب في جوف الوفاء مرسم # ان ردت الوفاء تلقاه ف اللــيبيه

منقول واتنمى ان ينال اعجابكم
واسف لجهلي بقائل القصيدة

قولولهـا كثـرن مواجعـهـا وكـثـرن عـذارهـا
وفي كم طعنت غـدر مـن خناجيرهـا........طلبت الدواء ع الجرح حطت بزارهـا
قولولـهـا شـاهـد الله وظمـيـرهـا........علي صلحنا وشهـدو معـاي اكبارهـا
قولولها هـي حلفـت ماعـاد اديرهـا........وليش اطعنتنـي قبـل يطلـع نهارهـا
قولولها مليان كثر خيرها .......... فيه بادره بيمينها ويسارها
مواجع نهلـب هـذى وتجـي غيرهـا........ما فـى المواجـع موجعـه نختارهـا
قولولها اللـي هنـاك فـى مطاميرهـا........اللـي ميرتهـا لــي زاد امتـارهـا
وقولولهـا مـا يصـح نبقـا عشيرهـا........عشرة نكد فى الريق عاقـد امرارهـا
وقولولها من توة خاطـي مصاديرهـا........يغنينـي الله علـي أمـيـة ابيـارهـا
وقولولهـا شـن معـنـا تفاسيـرهـا........ردت علـي جـواب جيـب أبذارهـا
وقولولهـا مـزال ذاهـب خبيـرهـا........عليهـا كـذب تقـازهـا وشبـارهـا
وقولولهـا ملوقـت تاخـذ محاذيرهـا........راه كــل دار مصـادرتـا دارهــا
وقولولـهـا يقـطـع الله تدبـيـرهـا........وذاهـبـا كــان متبـعـا دبـارهـا
وقولولهـا فـى شـى واجـد يعيرهـا........راه كسر الخواطـر واعـر اجبارهـا
وقولولها العذار حصـرن سكاكيرهـا........وطاح من علي وجه الحقيقه خمارهـا
وقولولها خلاص عرفت جملت تفاكيرها........قولولها خلاص عرفت لعبـت قمارهـا
وقولولها قريت السر فـى مناشيرهـا........قولولهـا حليـت عقـدت اسـرارهـا
وقولولها لاي طيـري ولانـي طيرهـا........لا نحطت نحـط ولا نطيـر بمطارهـا
وقولولهـا كيـف تريدنـي نستشيرهـا........وهي ماعلـي تـرد فيهـن اشوارهـا
قوولولهـا قـزون نحـرق حريرهـا........كي ماتريد تحـرق حريـري بنارهـا