يا ريت تساعدوني اتخطي الموضوع

من طرف benghazy_girl الجمعة أبريل 11, 2008 5:45 pm

شوفوا انا نقرا في ثانيه بشري (repeat) .. علي ماده وحده (bio) .. وهذه هي مشكلتي ..
والله قريتها كويس ومتأكده من نفسي وكانت هي الماده الوحيده بالدور الثاني ,, ووالله حليت كويس وراجعت بعد الامتحان وقلت في نفسي الحمد لله ضامنتها انشاء الله ..
لكن المفأجاه اني رسبت وناقصاتني 10 درجات عالنجاح ..طبعا صدمه ما يحسها الا اللي مجربها .. وخصوصا انا اللي كنت ديما انقول اللي يقرا ويتعب يرد تعبه ,,
فاصريت اني نراجع بعد النتيجه ما طلعت .. وكان ناقصني في ((oral درجتين .. والمعمل ناقصتني درجه ..كل المشكله في ورقة الامتحان ..اللي اصريت أنهم يخلوني بس نشوفها .. ورفضوا تماما وقالوا ممنوع ..
والسنه هذه الي الآن ما فتحتش فيها شيت .. ولا قادره نقرا ولا نمشي للجامعه ..
ومعش عندي ثقه ابدا بنفسي .. لاني كل ما انفكر اني حنمتحن مره اخري ..مهما حسيت نفسي حاله كويس مش كفايه ..ومهما قريت مش كفايه ..
واللي زاد الطين بلله .. انه في طلبه معايا .. نفس المشكله وراجعوا ورقتهم وتوا هم في سنه ثالثه ..وربي يوفقهم انشاءالله .. بس انا ليش صار معايا هكي ؟؟وكيف نتخطي الموضوع كله؟؟
ياريت تساعدوني لو تقدروا ..
وشكرا ..

Crying or Very sad

من طرف soso الجمعة أبريل 11, 2008 6:11 pm

عزيزتي benghazy_girl :
أولا- مرحبا بيك وإن نشالله نكونو أخوة وأخوات متحابين في الله مجتمعين تحت منبر يعبر عن أسمي وأرقي وظيفة في العلم ....
ثانيا- ياعيوني فكري معاي في كل كلمه نقولها: نحن توا في نص شهر 4 يعني خلاص بالنسبة لكم نهائي ومش فاضل عليه شي...بمعني أخر السنة الدراسية كملت ومش مطلوب منك إلا القليل..مادة وحدة بس وأنسي بعدها كل التعب...أما بالنسبة لموضوع المراجعات فهذا نصيب مسلم من رب العالمين خذا منك هذي أكيد حيعطيك في شئ أخر...والله نعمة الصحة والعافية مايوازيها نعمة..إن شاء الله توفقي وتدخلي ثالثة و رابعة وتشوفي المستشفيات و المرضي وتقولي أي نجاح و أي دنيا أنا كنت لاهية فيها...
خليك واثقة من نفسك ومن الله ومش حيضيعلك تعب...
شخصيا عندي حكمة دائما ترفع من روحي المعنوية تقول :
When old tracks die out on the tongue ,,,,,new melodies break forth from the heart
(عندما تموت الألحان القديمة علي اللسان,,,,فإن هناك أغاني جديدة تنبع من القلب)
في حفظ الله.....

من طرف **white_sea** الجمعة أبريل 11, 2008 6:29 pm

اهلا بيك يا فتاة بنغازي,نورتِ المنتدى!

بالنسبة لموضوعك فهي أزمة مر بها الكثير من الطلبة,بعضهم اجتازها بسهولة وتفوق وتميز في باقي السنوات وبعضهم بقى في نفس هذا الموقف يعيدون العام على مادة واحدة لعدة سنوات!!

والآن أريد سؤالك أي فئة تريدي أن تكوني؟
الفئة الأولى التي تعتبر أن هذا المطب مجرد حجر عاثر في طريق كفاحهم وأنه اختبار من الله -سبحانه وتعالى-وهو لن يزيدهم إلا صمودا وتفوقا وتألقا وقوة ويتستفيدوا من تجاربهم وأخطائهم ويكتسبوا خبرة في الحياة ليمضوا بخطى ثابتة إلى الامام..
أم تريدي أن تكوني من الفئة الثانية المتراخية المتكاسلة والتي تعتبر أن الحظ هوكل شيء وأن حظهم قليل وينظرون للآخرين ولا ينظرون إلى أنفسهم,ويتحججوا بحجج واهية كي يهملوا دراستهم ويفشلوا فيها و لا يستمروا في حياتهم ويفضلوا العيش في الحزن والنكد ولا يرون بصيص الأمل ,متشائمون ويطفؤون شموع الأمل بأيديهم..
أجبيني أيهما تريدي أن تكوني؟
انتظر ردك وأرجوا أن يكون الخيار الأول,,بالتوفيق لك وشيدي حيلك يا بطلة!!

من طرف **faith** الجمعة أبريل 11, 2008 7:23 pm

والله با فتاة بنغازي الكلام الي قالو ان شاء الله يكون رفعلك معناوياتك لان انا تاثرت بيه و raepet ماهوش غلط هي فرصة تانية عشان تعرفي غلطك وين (وعسى ان تكرهو شيئا وهو خير لكم) وتاكدي ان لاخيرة الا فيما اختاره الله يعني سبحان الله اكيدة ربي عندة حكمة في حالتك وزي ماقلت soso توا نهاية السنة شدي روحك ووسعي بالك وانا مني حاندعيلك

موفقة ان شاء الله

من طرف benghazy_girl السبت أبريل 12, 2008 6:21 am

شكرا شكرا شكرا ....
الله يريحكم زي ما ريحتوني ..
واخيرا في ناس يفهموني وحاسين بيا وشكرا علي تشجيعكم ليا والله هذا يعنيلي اكثر من ما تتصوروا ..
وبالنسبه لsoso مشكوره حبيبتي وعجبتني الحكمه .. وربي يوفقك يا عمري ..
وبالنسبه لdr-sami و سيف الاسلام ..انشاء الله حتوكل علي الله وحنحاول اكتشف الخلل ومشكووووووووورين وااااجد وربي يوفقكم في حياتكم والله عطيتوني امل ..
والنسه لwhite_sea انا اكيد انتمي للفئه الاولي .. وشكرا واجد علي اهتمامك ..
واخيرا وليس اخر رشا حبيبتي ربي يوفقك وانشاءالله حنشد حيلي حتي اني بكرا ماشيه للجامعه ونبدا نقرا ..وادعيلي ما تنسيش Surprised

ومره اخري شكرا شكرا شكرا علي اهتمامكم وربي يوفقكم ..وما يحرمنيش منكم ..

من طرف soso السبت أبريل 12, 2008 10:50 am

أهلين بيك عزيزتي في الرخا والشدة ...هذي الفرصة الحقيقية اللي وفرها لنا ها المنتدي الجميل: الدعم والمشاركة . cheers

من طرف benghazy_girl السبت أبريل 12, 2008 2:29 pm

شكرا يا عمري (soso) ..وربي يخليكي ليا واما يحرمنيش لا منك ولا من باقي الاعضاء .. والله انتوا عسللللللللللللللل .. Wink

من طرف iwnot change الثلاثاء أبريل 15, 2008 5:55 pm

ممكن ردى متاخر وبايخ
والاعضاء ماعقبوش كلام
بس بنقولك ان كل لحظة حزنتى فيها او ضيعتها وانت تفكرى ليش انا عاودت او حسيت فيها بالم
حتردى تندمى عليها لان مهما طال الزمان حتتخطى ثانية وتمشى لى ثالثة
وتكملى وتتخرجى
ومهما ان الطالب شاطر ايام الدراسة
الحياة العملية هى الشىء الوحيد اللى ينقاس عليه مجهودك
وحتقرر انتى من