المكياج يا البنات موش حضارة ,,

من طرف **منشد ليبيا** الجمعة أكتوبر 24, 2008 1:07 am

المكياج يا البنات موش حضارة ,,

المكياج جاكم من بلاد نصارة ,,

...................

محال مايحليكم

ومحال ما يدير السماحة فيكم

شيانة وقلة ادب يصنع فيكم

يخلى على وجوه البنات امارة

وربى خلق الزين هو يعطيكم

موش من يهودى خايبات افكارة

...................

كل يوم فى المزين

فى لبسها تلبس رقيق يبين

لا تستحى من الله لا تدّين

غشيمة ما تعرف الادب اقداره

وتقول الباسى يا وليدى قنين

موديل راقى عاليات اسعاره

...................

البنت فى طلعتها ,,

ع الناس تلقا عارضه زينتها

وتلقا الصنوية مفيحه ريحتها

والجسم يتمايل يمين يساره

وتلقاها بطية دوم فى مشيتها

تخلى عقول العاشقين حياره

طالعة تسّلى ,,

وفى الفم دارت مستكة تتحلى

والشعر طايح طالقته كله

والوجه يتلاصف اتقول شرارة

...................

المكياج قالو زينه ,,

يدير السماحه لكل من هي شينه

وفي السوق داروله اسوام ثمينه

والناس تشري فيه من التجاره

وعلي الوجه تلقي مخلطه تزينه

ضيع بنات اليوم غير خساره ..

من طرف dr samo الجمعة أكتوبر 24, 2008 1:15 am

صح السانك

من طرف **ALTAJ** الجمعة أكتوبر 24, 2008 6:16 am

اعليت يامنشدنا القن موش حضارة

من طرف **منشد ليبيا** الجمعة أكتوبر 24, 2008 2:37 pm

مشكورين على مروركم يا أحبابى ,,,,

من طرف المترددة السبت أبريل 25, 2009 9:18 pm

السلام عليكم
هذه أولى مشاركاتي في هذا المنتدى الأكثر من رائع
حبيت إني انقولك يا خوي منشد ليبيا الله يعطيك الصحة إنشاء اله
الصراحة القصيدة رائعة
وتمنيت لو اني لقيت هالمنتى من قبل وسجلت فيه Wink