وصلني

من طرف **ALTAJ** الخميس أكتوبر 23, 2008 4:24 am

وصلنى سلامك يا عزيـز عليـة......وجنى رسايل فى النت رسميـة

عــزيـــز وغــالـــى.......وباعث رسايل ما بعثهـن والـى

ودى انشوفك غير عارف حالـى ....... قاعد انعانى فى اظروف شقيـة

اظــــروف كـريــبــة............وطالب المولا ماعليـة صعيبـة

كان راد ربـك بالفـرج ياتيبـة .......... ايزولـن ايـام الهـم وليالـيـة

ايــام الـهـم ومواجـيـلـة......كريم ربنا اقريـب ايبـان دليلـة

وراهن ايام الضيق موش طويلة ......ايعدن كما تمسـاح فـوق اميـة

ايــــــام ويـــعـــدن.......وراهن احكـام الله مـا يرتـدن

امرايف اعيونى بدمـوع ايبـدن..... ايسيلـن اتقـول قنـاة مصغيـة

ايـسـيـلــن ديـــمـــة.....ايصوقرن اشوى وعندهن تخريمة

اوين ما انجى للنـت ومواهيمـة ...... عزمى رقيق ايصدنى فى الجيـة

ويـن مـا انجـى فـى قيسـة........بلاك يا غالى مـا عليـة انيسـة

نزعل اشوى وطقنـى تخميسـة ...... كى ايغيب توقيعك ويطفا ضيـة

ولا نعرف العيب لا فـى دمـى.....نعرف انقول القول كيف اتسمـى

يابال انت من عضـاى ودمـى ....... وكل يوم نرسلـك سـلام هديـة

ســـــلام ايــشـــرف....سلام ما فيـة حـرف امطـرف

ونختم بالمولا هولـى متصـرف ....ايسهل علـى امـور هالقضيـة