النجدة يا ستات البيوت الطبية(العصيدة)

من طرف **fairouz** الثلاثاء مايو 04, 2010 6:49 pm

ممكن نبي حد يساعدني ويعلمني طريقة العصيدة الليبية الصح
لاني مخطوبة وعلى وش جواز على قولة الاخوة المصريين وخطيبي هازي عليا علشان مانعرفش انطيب
لاكن بديت انتعلم شوية شوية
ونبي انتعلم العصيدة وانفاجئة بيها
بليز بليز ساعدوني

من طرف **community** الأربعاء مايو 12, 2010 8:37 am

طريقة العصيدة :

أول شي تاخدوا طنجرة حجمها مناسب لعدد أفراد الأسرة وتحطوا فيها امية أكثر من ربعها شوي تقريبا ،، والملح حسب كمية المية ، وبعدها تخلوها تغلي وتنزلوا الطنجرة ومباشرة بعد ما تنزلوها تصبوا فيها دقيق بالشوي بالشوي مع التحريك بالمغرف

وتصبوا الدقيق بالتدرج مع التحريك السريع لغاية ما تتماسك العجينة وبعدها تصبوا عليها كمية مناسبة من المية اللي تغلي في الطنجرة الثانية واللي مفروض تكونوا حاطينها عالنار حتى هي في نفس الوقت اللي حطيتوا فيه الأولى والا بعدها بشوي ، وتديروا في العجينة كم فتحة بالمغرف يعني كأنكم تقسموا فيها لمجموعة قطع ، وتحطوها عالنار الهادية لمدة عشرة دقايق إلى ربع ساعة تقريبا ، وبعدها تعاودوا تحركوها مرة تانيةوتحطوها في الصحن المدهون بالزيت والا ****دة ، وتاخدوا العصيدة الطايبة اللي في الطنجرة وتحطوها في الصحن وتساووها وبعد ما تتساوى حطوا فوقها سمن والا زبدة حسب الذوق ، وفوقهم عسل والا رُب برضو حسب الذوق ،،

النجدة يا ستات البيوت الطبية(العصيدة) 000dj7