حبيبتي الغالية .. فيديو !!

من طرف **white_sea** السبت مايو 10, 2008 2:11 am

بسم الله الرحمن الرحيم

هذه بعض اللقطات لحبيبتي الغالية على قلبي..

والتي يسري عشقها في دمي..

حبيبتي .. بنغازي..

من طرف **dr-sami** السبت مايو 10, 2008 3:40 am

يا بنغازي ياللي سماح ديارك

جميلة و رايد كل يوم مزارك

يا بنغازي يا زينـــــــــــــــــة

ولولا جمالك ما كلام حكينا

فراسين ناسك يأمروا بالزينة

شواميس تلقيهم اوقات معارك

شكرا خوي white_sea على هذا الفيديو

لمدينتي الغالية

أحبها حبا لايوصف

ومتى ما بعدت عنها

شعرت بالحنين اليها

إنها بنغازي

فأنا بنغازي و بنغازي أنا

ياعين يا نشاده
ادموعك على الأعزاز تمن عادة
تبكي عليهم يانا
ناس ساكنين الشط في جليانه
لاهنتي ولا هانوا أسباب غلانا
غير الوقت دار الهجر وطال ابعاده

تبكي ديمه
علي ناس في البركه وفي بوهديمه
جرح الغلاء عندك تمادا ضيمه
وأنتي بروحك دايره نكّاده

امغير تعاني
علي زول باهي ليك في السلماني
من لوعتك في ذكرته شقاني
كثّر اسهوري وفكها الوساده

اللوع ايزيده
تلمليم ناسك وسط راس اعبيده
عمر الوفي مايوم يترك ريده
وانتي تركتي الود ياشراده

امغير اتنين
يا قلب في سبة افعال العين
احزن علي رواد سيدي حسين
علي افراقهم محكوم بالأباده

لا اتقول ليش
يلي انسيت اولافنا ف الكيش
ومهبول من ينساك يا اخريبيش
مجنون ماعندش كثير إراده

ياعين يا نشاده
أدموعك علي الأعزاز تمن عاده

ياعين راك خطيه
درتي العيبه في ابعادك ليه
من حب قلبي بنت بنغازيه
حلوه جميلة ناعمه وداده
لها اسم معروفه لها بيتية
لها خلق وادب ودينها وزياده
لها ناس معروفين اطياب النيه
ناس صبايين في الميعاده
ابكي وديري نوح ياكحلية
ماينفع ابكاك ودمعتك منزاده
مادرتي الحق امغير شماته فيه
زدتي لزولي عزوته حساده
حرمتي ارويحك من الناير ضيه
وحرمتيه قلبي من اينول مراده
ادموعك علي الأعزاز تمن عاده
يا عين يا نشاده

من طرف **white_sea** السبت مايو 10, 2008 1:37 pm

كلمات ولا أروع يا قبطان ..

من طرف بقايا حطام السبت مايو 10, 2008 11:06 pm

السلام عليكم

اذا كانت الغالية ترمز لبنغازي فهي غالية علينا

جميعا من منا لا يعشقها و من منا لا يحب ان

يرتجل في شوارعها و يتنشق نسمات صبحها

الجميل ابدعت اخي في اختيارك

فحق هي حبنا الاكبر

تقبل تحياتي

.
.
.
.
.
.
.
بقايا حطام
............

من طرف الصادق الأحد مايو 11, 2008 5:28 pm

اوه بنغازى مدينتى الحبيبة اعشقها عشق جنون عندما اغيب غنها احس بالكساد والملل (مع بنغازى مش حاتغمض عينيك) معناها ماتستحقش انك تشرب قهوة بيش تسهر ههههههههههههه

يابنغازى حبك موالى حبك فسط عيونى من جوه قلبى هههههه

حلوة الاغنية اللى مع المقطع