مفطوم ع العصر - لحسن لقطع

لو متت ماناكل اللي موطيب .. الخالق غني واللي خلق مايسب
ولا ناكل المسروقة .. ولانطارد اللي في السبب ملحوقة
غني بصبر واللي صابره مرزوقة .. حتى لو بطى خير الكريم قريب
طعام الجفا نقذاه قبل نذوقه .. مفطوم ع العصر عايش معاش يخيب
لاني دلوعي خطوتي مطلوقة .. ولاني عقور الغافلين ننيب
رحمة الخالق ما تجي من فوقه .. علي زرعة اللي زارع الشرتغيب
لا نوارد غابي . . ولانشرب الدله اللي ماي قابي
حتى ان كان في البين رقيق ترابي . سراب قايله ديماالبعيدقريب
وروس العرب هم قرعتي واصحابي .. نشكرهم صحيح ولاعلي تعيب
وذيل العرب مايعرفو باطلابي . . حتى وهم خواجه هل شوي وركيب
لو متت مانرضى اوصاف زهيده .. لجواد خيبوالي كل نوع نريده
بحساب يوم رفقتهم سنين عديده .. ورفقة الذيليه نهار تشيب
بينهم مسافة واسعة وبعيده .. الزينين للعفنين ويش يجيب
لجواد لا رقيق الدق نق غريده .. سباع الخلا منهم الناس تريب
لايبخلوا لايركبوا القعيده . . يعير بك اللي منهم تقول عطيب
لاعاد سوط ولا ركاب يصيده . . علي جار جارهم هل عناه تهيب

مش عادية

منور خوي الكافاليري عالقصيدة

النور نورك يا د. سامي

ولا اروع
قصيده فى غايه الجمال
مشكور اخونا كافا
على المجهودات الجباره
مع تحياتى

العفو يا عبدو وشكرا علي مرورك

غير عــــــــــــــــــــــــــــــــــــاديه يا كافا
مشكوووووووور