ما اتقول فيهن كانوا - للشاعر أحمد رميلة الفاخري

إرسال موضوع جديد   إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

ما اتقول فيهن كانوا - للشاعر أحمد رميلة الفاخري

مُساهمة من طرف il cavaliere في الجمعة أغسطس 01, 2008 8:43 am

ما اتقول فيهن كانوا... اسماح المنازل وين ما يدّانوا.. أجواف يصهدن

ما اتقول فـيـهــن حطــّـوا ..............رجّـاله ا حدود الله ماايتخطوا
عن واجب صلاة الفجرما ايتبطوا ........... وذكر الجلاله ماعليه ايوانوا
اديارهم امقبل وين ما ايتوطو ..............قدام الجوازل نازلين ايبانوا

ما اتقول كانن قبل في هـاللـفة ..............قدّام الجوازل فيه بك نعرفها
تريس ولقيح ونجع داير ضفة.............. رفقهم حليب وحب ماينهانوا
اصحاب المروة والحيا والعـفة.............. اللي لقربهم جيرانهم يطمانوا
منهم وم اللي سود روس شعـفها ..............خلـيـَـن هوادين الخلا سبحانو

ما اتقول فيهن ضاري.............. كنا ننزلوا من قبل هالصحاري
واقناتن يلـقـّن من اشبوب بداري.............. ا رعوده اتـّل ومزنته تدغانو
نبت قيقلانه في ا رمال قعاري.. ............. بهارير لجـّاته اتقول اجنانوا
الملح البساط وطيبين الطاري .............. مـسـّع نهار اقدرت ع النسيانو
عليهن انجيت هالب ايحوس مداري........ منازل اللي تحت التراب ادفانوا
الدايم الله مالك الملك الباري.............. من هول السعير بقدرته ينصانوا
مسـيـّر احكام الكون وامره جاري.............. رافع السما عالي بلا عمدانو
العالم بلفظ الجهر والمتواري ..............تلاقيه يوم العرض ع الميزانو
جعل كل نفس لها ملف إداري.............. وبما قدّمت لحسابها ترهانو

ما اتـقــول ياخــرّامـــة ......................نزل نجع واجد فيك دق ارمامه
شيابه اكرام ويعرفوا الكرامة.............. لا يشهدوا بالزور لايفتانوا
واحذاهم لقيح اسمان دار اكلامه ..............ا صغار هله والرعيان فيه يعانوا
من يومن مشوا منك وفيك غمامة.............. وريـبة وانا وانتي عدو نـشـّانوا
عارفه انجاك اللي ارقاق عزامه ..............عليه يخطروا وايقول يانا يانو

ما اتقول وين تعـلاّ.............. نزيل البداري والجوازل ملاّ
رحـالينهم جـبـّن اتقول محلة ..............علي هـَـود بين الربد والظلمانو
لقوهن هناك مطوحات الجلـّـة.............. عقاير اكبار ابعاد ع القيطانو
منازل ابوادي طيبين الملة ..............ع الفطرة طبيعـتم صفا واحسانو
يجتنبوا جميع اللي ا محـرّم كله.............. فناهم الدهر ولا نبيهم خانوا
قـدّام دارهم ديما اهناك امصلـّى ........... طوايف ايجوه ويرفعوا لاذانو

ما اتقول فيهن سنـّـدوا يابابا .............. ثناوي لقيح واجد بعيد عقابه
والجازل امقبـّـل صابـّـات ارقابه ........من ميحة بداري فاوّل الخرفانو
خلين منازلهم اللي جوّابه.............. من وادي المرا لاعند بالحيضانو
بوادي شوامس حيلهم ضرّابه ..............لصيد الخلا واثقال ع العدوانو
فنتهم الدنيا هابتين وهابة.............. يامي ناظرة من اشداد ولانـوا
الدايم الله وين النبي واصحابه .............اللي ع الحياة بربنا استعانوا

ما اتقول بين انقوبة ..............ملـثـّم عليهن دَور داير كوبة
زناكيل جلبوبة ورا جلبوبة ..............كيف المراكب سنّدوا رحلانو
معا سيل متقاوي نزيل اشبوبه ...........اليوم لولي واليوم لاخر ثانو

تناشوا ربيع ابساط فيه اضبوبة ........... تظليمة اجباله كيف نوبة كانو
وللبل اللي ما كيفها مكسوبة .............. ماخير منه وطن في لوطانو

ما اتقول عمره جاهم ... .............. الجار الغريب وعاش في ردّاهـم
نـسـّاه الحبايب والقراب دفاهم.............. جربهم القيهم هل كرم وامانو
غليو عليه اقبل العيش امعاهم ..............ابعاد المواجع طيبكم جيرانو
بروايتين ورش وحفص حيل اقراهم ...... اصواتم اتجلي ع الكدي لحزانو
مواعين ديما صافيات انياهم ............. لاعندهم لا زود لا انقصانو

ما اتقول فيهن قابـــل ... ............. اركيـّب اسمان ونبتن متخابل
حطبهن هظاك السمح رايح ذابل......... لجواف والروامص والحباب انعانوا
فيهم عزا مازلت ماني قابل.............. ادموعي عليهم مالهن شي وانـو

ما اتقول يارجّـالــه .. ............... اركيّـب ضنا عثمان من جفـّـاله
لزياق البلط يقرن وهي تفـّالة ..............كبيرة العقاير واسعة لركانو
من ميحة امزان ارعودهاتلتالة .............. فاوّل تـكوبر نوّضـت وديانو
رقيت اتطوح فيه ع الجلجالة ..............رقيق الحطب م الغوط والشطبانو
لمست ابساط اربد ايبان غزاله.............. جلايب , جلايب ملية الحيوانو
دبيب العدام هضاك له قـتـّاله.............. ان لعبت اودارت ع الجمل حورانو
وتربع اوين القيض جا ميجاله ..............تهلب ثقيل النوم ، م الرعيانو
من قبله اتجيه وفيه تاخذ داله.............. قدام بلغـرب ديما لها معـطانو

ما اتـقـول ويـن الـذاكــر.. ............... توضا لميعادالصلاه الباكر
سود م العرق جبن اتقول عساكر......... اسماح الندا في الفجر ع الفرقـانـو
واصبح الغوش بخيرحامد شاكر.. .......... في احسن طناطين الزها طربانو

مااتقول يوم الشيـله....................... من جوف لـثـل وارقابه وجوف لثيله
نزل في امويزر نجع عيت ارميله .......... اتقول في الناس القواري زانو
ولااتقول قدام الفقيه عويله.. .............. في المغـرب تلو حزبين م القورآنو
ولا اقرب حليب وحمل و افي كيله..........مصرم علي هايج اقلالي قانو
الدائم الله اكملو هـم واكحيله ..............وخلين منازلهم ايام زمانو

مااتـقــول بين الــجــــازل ... .............. واخشوم الوامص نازلين منازل
ولا بات قبليهم لقيح زلازل ... .............. حدايجه اكبار او زرق في للوانو
يسقوه الحليب اوما اتجيه مهازل.............. الجار المجاور فيه ما يشيانو

مااتقول حــاش عـليهم... .. ............... الشـول المقاوي لاسرح قبليهم
ولا اتقول كانت م الجريد اتجيهم ..............قوافـل ولا دنّو اجمال اخشانو
ايحوس المدار عندي بعـد نطـريهم ............ حبايب الله واكبر فـنـو افـنـيانـو
وفي اخرّ كلامي فاتحه انعطيهم ..............اجعلهم معا الصادق بـني عدنانو

_________________

il cavaliere
مشرف منتدى اللغة الإطالية و قسم الأدب و الشعر
مشرف منتدى اللغة الإطالية و قسم الأدب و الشعر

ذكر عدد الرسائل : 266
العمر : 39
العمل : student
البلد : libya
مؤشر احترام قوانين المنتدى :
100 / 100100 / 100

تاريخ التسجيل : 04/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ما اتقول فيهن كانوا - للشاعر أحمد رميلة الفاخري

مُساهمة من طرف dr-sami في الجمعة أغسطس 01, 2008 9:24 am

مشكووور جدا يا كافا

قصدية جميلة

للشاعر احمد ارميلة

ننتظر منك المزيد و الرائع كالعادة

dr-sami
عضو شرف
عضو شرف

ذكر عدد الرسائل : 2890
العمر : 33
العمل : doctor
البلد : بنغازي
مؤشر احترام قوانين المنتدى :
100 / 100100 / 100

تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ما اتقول فيهن كانوا - للشاعر أحمد رميلة الفاخري

مُساهمة من طرف il cavaliere في الجمعة أغسطس 01, 2008 11:58 am

بارك الله فيك دائما على ردود الجميلة خوي سامي

_________________

il cavaliere
مشرف منتدى اللغة الإطالية و قسم الأدب و الشعر
مشرف منتدى اللغة الإطالية و قسم الأدب و الشعر

ذكر عدد الرسائل : 266
العمر : 39
العمل : student
البلد : libya
مؤشر احترام قوانين المنتدى :
100 / 100100 / 100

تاريخ التسجيل : 04/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ما اتقول فيهن كانوا - للشاعر أحمد رميلة الفاخري

مُساهمة من طرف Sandy في الجمعة أغسطس 01, 2008 11:23 pm

كل الشكر والتقدير لك كافيليري
على مواضيعك المميزة بالفعل
وعلى تالقك الدائم Smile
قصيدة رائعه
أتمنى لك كل التوفيق والإستمرار في التألق كعادتك ...$ flower

_________________

Sandy
عضو شرف
عضو شرف

انثى عدد الرسائل : 925
العمر : 29
العمل : MEDICAL STUDENT
البلد : بنغازي
مؤشر احترام قوانين المنتدى :
100 / 100100 / 100

تاريخ التسجيل : 17/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ما اتقول فيهن كانوا - للشاعر أحمد رميلة الفاخري

مُساهمة من طرف il cavaliere في الجمعة أغسطس 01, 2008 11:26 pm

بارك الله فيك يا sandy وشكرا على تعليقات الجميلة
والمشجعة دائما

_________________

il cavaliere
مشرف منتدى اللغة الإطالية و قسم الأدب و الشعر
مشرف منتدى اللغة الإطالية و قسم الأدب و الشعر

ذكر عدد الرسائل : 266
العمر : 39
العمل : student
البلد : libya
مؤشر احترام قوانين المنتدى :
100 / 100100 / 100

تاريخ التسجيل : 04/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى