*** الشاي ***

استعرض الموضوع السابق استعرض الموضوع التالي اذهب الى الأسفل

*** الشاي ***

مُساهمة من طرف dr-sami في الإثنين يوليو 28, 2008 2:05 pm

ابتدأ الشاعر عبد الله مفتاح النفّار المجبري (موجها الكلام للشاهي ) وقال:

حنا قبل درنا ورد وانتا عله.. كيف جيت للعظم الصحيح اتحله
مانك باهي .. مسلّط على الواشون كل دواهي
ان كان ماحضرت البيت يبقى ساهي.. يقدّم علي عيشه بلا بسمله
مغير اخساره.. المساكين ماخلا عليهم باره
م الصبح للمغرب وهي تجارا ..ان ماحصلوه تبات ليله غله
انتي مره .. وانتي بقيتي للانسان مضره
كيف الخدم ياناس كيف الحره.. ريت الحيا منهم تبرّم كله
انتي شينه.. رقيق الجهد منك غرق في دينه
من قبلا يصلي فيك يقلب عينه.. شينه خباره خاطيات المله
مانطيق افراقه.. مغير هذا واخذنا بلا بنداقه
طايبين ع الذمله بلا سواقه.. في شانها الحمل الثقيل انقله
خذانا كيفه.. دون بالطفل* كمين مية جيفه
ومن قلالي يعجبك توصيفه .. بديّن اعظامه بيض كيف الهله
ماو محلل فيها.. وين هو المذهب اللي طاريها
يفتح اكتابه كان فيه القيها.. باب الشريعه ياعرب نركن له
ان كان هي مبدوعه.. خاطي كلام الله هو وشروعه
ماعاد خلّت فرش في مربوعه.. غير العوايز يفرغن بالسله
نسال القاضي.. كان في كتابه م الزمان الماضي
عيني تبي والقلب ماهو راضي.. اللي تبع نفسه ع الهلاك ادله
للهلاك اتجيبه.. هاذي حشيشه يا اسلام عطيبه
عليك يا العباسي انعل سريبه.. افتح كلامي وامتبه بالمله



فرد الشاعر عبد الله العباسي وقال:


شربه باهي.. يجلي دراه الكبد تبقى زاهي
حشيشه حلال وماعليها ناهي.. يلذ شربها وين الثمن يتعلى
وهي منصوبه.. عليها القرايه والصلاه امحسوبه
وحتى الطرقي كان باطل دوبه.. يزهى معا السخان وين رطن له
ويجفل النوم الليل تحت اهدوبه.. ويقدر علي صلبه نهارا كله
شربه طيّب .. ولانقدر وا عنه نهار انغيّب
وان عطشته حتى البعيد اقريّب.. الباطل القي كرعيه يجارن له
ولا عاد في دوره القيت مريّب.. باقي مثيل الفرض مايتخلى
يدقّل سخانه.. كما ثلب هايج والابكار اركانه
ونعناع يغشي يعجبك فو جانه.. وسكر محاقن اتلج من قرطله
والع فينا ..وان الغدا والصبح كان القينا
وان غيّب الراس وجعه ناض علينا.. فيه انهمكنا والارزاق ع الله
ووين يحصلّن بارات بين ايدينا.. نعدوا منابه كيف باب الغله
لاتتركها .. ميط م الخلوق بشربها تتفكّا
ان ماذقتها بعد الغدا تتكى.. يروّح سبيب النوم جارد كله
يدورد عليك تركّ شينك ركه.. لاتدير حاجه لاصلا تصلى
بيه ولعنا .. وعشنا علي شربه منين طلعنا
لانقبلوا ناهي ولايقدعنا.. يدبّر علي روحه يفوت معله
لقيناه كيف وغيبتنا توجعنا.. غالي غلا ماو كذب نزاين له
كان الطعام اشوي ماشبعنا.. وين نشربوا منه ايرد الغله
كي نفسنا كي الضيف كيف تبعنا.. ان غاب سكرّه صاده انا راكن له


وقال الشاعر يونس بوصفحه ( موجها الكلام الي عبد الله النفار)

ليش تقرض فيها .. وانت زروق الشمس تشرب فيها
وف القايله مازلت متكفيها .. وفي العصر تنصبها تجي ماشالله
والرابعه ف الليل ماتنساها.. وان جاك خاطر رزقها يدلى
في مذهبك قايل حرام اشرها.. كيف مافتل لي نا اللي نفتله
نسأل القاضي كان حرّم فيه.. يباتن علي احقوق في شرع الله
لاتقول مصيبه.. مبني عليها البيت ف التركيبه
نطيحوك ع العباسي وتبقوا طيبه.. الا رزق بونادم شبوهة ظله
ولاتريد تقدرها ان قلت عطيبه.. هالوطن متكاصي عليها كله
والعين بيها مايقولوا عيبه.. كيف الغني كيف الفقير اي والله
حاله باهي.. اللي يدير عزم وينبسط بالشاهي
لاهو حرام ولايجيب دواهي .. ولا في حديثه عيب وين اتعله
ولايقرضوك ان بعت فيه شواهي.. ولايعايروك ان جبت من باب الله
باهي ديما.. ودك اتديره ساعة التلحيمه
وشربه اربع مرات حد القيمه ..واللي ايجيبها بالدين ما يمكن له




dr-sami
عضو شرف
عضو شرف

ذكر عدد الرسائل : 2890
العمر : 33
العمل : doctor
البلد : بنغازي
مؤشر احترام قوانين المنتدى :
100 / 100100 / 100

تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: *** الشاي ***

مُساهمة من طرف il cavaliere في الإثنين يوليو 28, 2008 2:16 pm

مشكور يا دكتور سامي وانا من عشاق الشاهي بالذات الطاسة الخضرا اللي بعد الغدا،

وأود هنا ان أورد هذه الحكاية ، فقد بلغ عشق الليبيين للشاهي بأن وصل بهم الحد لإحراق الحلبة ونباتات اخرى وغليها وشربها بديلا للشاهي نظرا لانه كان من السلع الغالية الثمن في ذلك الوقت

فقال الشاعر واصفاً "عزوز" تعشق الشاهي ويصف حال زوجها المسكين الذي لم يعد بوسعه توفيره له. فيقول
ها العزوز تريد الشاهي *** والشايب ع الشاهي ناهي
تشرب في شاهية الطقرة ** والشايب متعاطب زقرة ** يكح بجدره
فيه طبابيع علي صدره
تغسل في السفرة *** وتكنس في اطراف الحفرة
والشايب متقاوي كفره *** حالف بإيمان السيفاهي

معاني الكلمات: شاهية الطقرة - شاهي الضحى او العصر
متعاطب زقرة - حالته تعبانه
فيه طبابيع علي صدره - نتيجة للكي "علاج شعبي"
تكنس في اطراف الحفرة - التي يوقد فيها النار للشاهي
ايمان السيفاهي - ايمان السفهاء

_________________

il cavaliere
مشرف منتدى اللغة الإطالية و قسم الأدب و الشعر
مشرف منتدى اللغة الإطالية و قسم الأدب و الشعر

ذكر عدد الرسائل : 266
العمر : 39
العمل : student
البلد : libya
مؤشر احترام قوانين المنتدى :
100 / 100100 / 100

تاريخ التسجيل : 04/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: *** الشاي ***

مُساهمة من طرف abdu_super في الإثنين يوليو 28, 2008 2:48 pm

انعم انعم
ا
مشكوووووووووووور
د.سامى

abdu_super
عضو مميز
عضو مميز

ذكر عدد الرسائل : 651
العمر : 30
العمل : Dental student
البلد : libya
مؤشر احترام قوانين المنتدى :
100 / 100100 / 100

تاريخ التسجيل : 24/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: *** الشاي ***

مُساهمة من طرف faith في الثلاثاء يوليو 29, 2008 3:50 pm

والله غير عاااااااادي
صار العزوز الشايب ناهي عليها الشاهي

_________________



واصل الاستغفار حتى يُشرف الشيطان على الانتحار

faith
مشرف منتدى الصحة العامة
مشرف منتدى الصحة العامة

انثى عدد الرسائل : 775
العمر : 29
العمل : رابعة تغذيه
البلد : BANGHAZI
مؤشر احترام قوانين المنتدى :
100 / 100100 / 100

تاريخ التسجيل : 30/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى