منتدى الجامعة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

*** الشيب ***

3 مشترك

اذهب الى الأسفل

*** الشيب *** Empty *** الشيب ***

مُساهمة من طرف dr-sami الخميس يوليو 24, 2008 4:11 am

ابتداءها الشاعر عبد الكريم بوجديده وقال :

في لحيتي طقر الشيب رمقته .. بدّّّر اشوي ماكان ظني وقته
ولا كنتشي نحسابه .. ايشيب الفتى في عيروان شبابه
ايش جيبه هالشيب وايش اسبابه .. ولو كان ينطق بالعلل ناطقته
وكيف ماقالوا الناس مهابه .. والله نذير الموت مد ورقته
تميت فيه انفكر .. ايش جيبه هالشيب جاي مبكر
ذاهب الا ذهبان فيه انحكر .. ضاقن اخلاقي جبت موس حلقته
في الكتر باين كيف حب السكر .. نفضته بعيد ارتحت كيف عزقته
اصبّح زايد .. وكل يوم يسرح كي الشرط البايد
فوّل الطلّق كان مغير وحايد .. زاد ف العدد ماعادشي لاحقته
ان كان م الزعل رينا ظروف شدايد .. وان كان كبر ماحلي لحد زنقته



فرد عليه الشاعر عقوب الشرمي :

اسباب عديده .. اللي الشيب منهن يسبق مواعيده
اولهن الضنوه كي تكون عنيده .. والله جار لاوافق ولا وافقته
والله ضيم والعزوه اتكون بعيده .. والله عشيره في رفقها مكده
والله دين ماتقدر علي تسديده .. ف اخر الشهر ياخذ اللي دبكته
والله ضيف يلفى والظروف شديده .. وعندك هدف ف البال ماحققته
ونا قلت رايي وما نريد انزيده .. وبكره اتجرب كان ماصدقته
وفي وقتنا جدن احوال جديده .. اللي تحكرا واجد اتطير بركته
واللي تنصحه ينقّد عليك نقيده .. واللي تحمله يطمع اتزيد احركته
واللي اتعامله ودك ايديرك صيده .. ان ما صحيتله يرمي عليك اشبكته
بهت راسي .. اللي شاب هو كله ابقي متواسي
الشيب حكم ولامره ايطيع العاصي .. وبالك عليكم نا اللي فرقته
من عندي جرد شورك مشا متماصي .. لو نحسبك زعلان كان مسكته
ياصاحبي كنك مغير اتصاصي .. والله منابك جا اشوي ازمقته



فرد الشاعر عبد الكريم بوجديده :

لانريد منابي .. ولاني موصي نين درت احسابي
طالب الا منك ردود اتعابي .. وتصبغ شعر وجهي اللي زوقته
شيبك ترقى نين طال اشنابي .. بلا حساب من شورك علي اطلقته


فقال الشاعر عقوب الشرمي :


لانقول موده .. هديتا عليك وعيب كيف اترده
اخيار الفتى يعزم بما في يده .. ونا من منابي صاحبي ذوقته
عزم عليك ابشيبه اللي في خده .. ماتقرضا عقوب كي رافقته
الشيب ماهو عيبه .. الشيب راه للراجل وقار وهيبه
بوبكر ينشد ف الرسول حبيبه .. قاله الشيب وقار كان ملكته
لا يضايقك لا عد اتجي تشكيبه.. تنال اجر عند الله كان عتقته
قدرة الله وهكذي ترتيبه .. ان طالبتني ماني اللي رشقته
ان كان تنشد فيا .. الشيب خير م اللجرود ميه لميه
الراجل بلا لشناب كي الوليه .. امفيت م الهدوم البيض بيش فرقته
نرضوا بو مطير ايحل هالقضيه .. الشيب مصلحه وانتا اللي شركّته




فردعبدالكريم بوجديده وقال :

ياعقوب صراحه .. كلامك القيته حق في مطراحه
تشخيص روشيتا طبيب جراحه .. بعلم وتجارب ماعلل لفقته
شياب دون لاجالي قليل الراحه .. هاللي صريح الصادقه حارقته
كلام القيته ..واخذ اعنايه فوق ميزانيته
شيبه اكثر من داه جوا بيته .. امعاكسه اللي تاجب عليه انفقته
والله عوج من عبد شينه نيته .. اللي تملي سيته سابقته
يضيقن أخلاقك كان ما كافيته .. ولا ينقدع عنك انما هزقته
قليل لصل ما يكبران كان دريته .. ويرد وين ما ياخذ علي عنفقته
ولا صيل تطامن ان كان دعيته .. وتنسي عضاك معاه لا رافقته
صاحب نخاوه تاكله حريته .. ما يلتجي للعيب لو شنقتـه
فيها فخر عدواه وصحبيتـه .. في كل جيهه باينه صادقته
ولاخر النجهه دايمن واطيته .. كي الكلب يالف بك ان كان خنقتـه
ومهما تعزه لا تقول سعيتـه .. دردم عللي في جداه عرقتـه
لنسان تم انسان بنسانيته .. لكن انزر ك تاكله ما طقته
ومي بطالـه .. هديتك امفصلها علي فصاله
نحيلة العبد ان كان جال خواله .. شرطات في خدهع اثر زرقتـه
نا جبت قول امغير ما وفيته .. ريته امقابل ف الجواب علقته
نحكي علي دوة الشيب انسيته .. وصف الطبايع في عقابا سقته
نرجا عقوب ايلملي باقيته .. موضوع متلايم ونا بعزقته
dr-sami
dr-sami
عضو شرف
عضو شرف

ذكر عدد الرسائل : 2890
العمر : 40
العمل : doctor
البلد : بنغازي
مؤشر احترام قوانين المنتدى :
*** الشيب *** Left_bar_bleue100 / 100100 / 100*** الشيب *** Right_bar_bleue

تاريخ التسجيل : 31/03/2008

الرجوع الى أعلى الصفحة اذهب الى الأسفل

*** الشيب *** Empty رد: *** الشيب ***

مُساهمة من طرف abdu_super الخميس يوليو 24, 2008 10:55 am

مشكوووووووووور
د.سامى
وبارك الله فيك
اشعار فى غايه الروعه
abdu_super
abdu_super
عضو مميز
عضو مميز

ذكر عدد الرسائل : 651
العمر : 37
العمل : Dental student
البلد : libya
مؤشر احترام قوانين المنتدى :
*** الشيب *** Left_bar_bleue100 / 100100 / 100*** الشيب *** Right_bar_bleue

تاريخ التسجيل : 24/06/2008

الرجوع الى أعلى الصفحة اذهب الى الأسفل

*** الشيب *** Empty رد: *** الشيب ***

مُساهمة من طرف il cavaliere الخميس يوليو 24, 2008 1:07 pm

مساجلة رائعة،، مشكور خويا سامي
il cavaliere
il cavaliere
مشرف منتدى اللغة الإطالية و قسم الأدب و الشعر
مشرف منتدى اللغة الإطالية و قسم الأدب و الشعر

ذكر عدد الرسائل : 266
العمر : 46
العمل : student
البلد : libya
مؤشر احترام قوانين المنتدى :
*** الشيب *** Left_bar_bleue100 / 100100 / 100*** الشيب *** Right_bar_bleue

تاريخ التسجيل : 04/06/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى