امتحااااااااااان غريب

الصوب وموال الغية
تعرف منذ القدم يعني من قبل الميلاد بشوية تقريبا بعد انقراض الدينيصورات
لان قبلها طبعا اكيد ماكنش في ناس
اشرح لي ما تحت الخط ليش القسم معاي يلط
هذا البيت يعني لماذا القدر يبعد الحبيب اي ان العزيز بمعني الحبيب والاقسام بمعني القدر وتلط بمعني تبعدو تصد
علل ليش عزيز رخانا في حالة تشغل خلانا
اما لانة غادر وخائن
او لانة مل و اراد التجديد

اختر ما بين القوسين (( جدد والا ناس قديمين
الاجابة هي ناس قديمين
اذكر اسباب الياسات اللي عالخاطر ملتمات
ذلك بسب البخت ولانا كما يقال
نحسابك راقد وعيتك ميت يابختي تاريتك
ادكرلي بالشرح وفصل ليش عزيز معايا مقصر؟؟
1_ ذلك لانك لم تعد تعطية رصيد لنقال
2_لانه وجد شخص لدية محل نقالات فقال في عقلة هذا خيرلي لاني ح نحصل رصيد اكتر
3_لانة يعرفك منذ زمن فمل وحب يغير

هل تعلم مازلت نريدك ؟؟ لا هنت ولا ييوم انسيتك؟
!!!!!!!!!!!!!!!!!!!!!!!!!!

علل ليش مرادك تبكي ؟؟ خان عزيز وتمت هكي ؟؟

لانها وثقت بشخص غادر وغير مناسب

انشاءالله عشرة على عشرة

شكرا ياابلة

مشكور يادكتورنا القنا امتحان واعر

صح ياتاج واعر اشويه

السؤال الاول :
اكتب نبذة تاريخية عالصوب وموال الغية ؟؟؟؟؟
خطوة خطوة ..راهو الصوب كى صيد يبى سطوة ..غير ساعديه يالعين خطوة خطوةالسؤال الثاني :
اشرح لي ما تحت الخط ليش القسم معاي يلط ؟؟؟؟؟
لان ... نلقط فى بختى بالحيطة والياس ورايا برويطة
السؤال الثالث :
علل ليش عزيز رخانا في حالة تشغل خلانا ؟؟؟؟
احسبته وافى وبحبل المودة امعاى ايكافى قابلنى بذنب وانا له وافى
السؤال الرابع :
اختر ما بين القوسين (( جدد والا ناس قديمين ))
مع قديم ريت ايام سماح غير ياريت طولن
السؤال الخامس :
اذكر اسباب الياسات اللي عالخاطر ملتمات ؟؟؟؟
وين قتله ياياس خطانا ...قالى معاكم للجبانة
السؤال السادس :
اكتبلي مع الشرح وفسر ليش عزيز معايا قصر ؟؟؟؟
داير عليه اكبيدة .. يقسى علي ومن غلاى انزيده .. غلاه ضرنى
السؤال السابع :
هل تعلم مازلت انريدك لا هنت ولا يوم نسيتك ؟؟؟؟
كل الغلا مابين حب وغيرة إلا غلاك اوحلت فى تفسيره
او:
هالعزم وين لقيته اللى بيه غلاى ياعزيز انسيته عليه دلنى
وفى النهاية مش ح نقبل اقل من عشرة ع العشرة
وزيادة شن رايك فى هذى :
ان شاكيت شاكى اهل العناء والمروة
وان مالقيت خلى همومك جوا
كنك حاير شاكى ضنى الاجواد بلى صاير
وكنك اتراجى من البخيل بشاير
على فرحتك دير العزا من توا

اكتب نبذة تاريخية عالصوب وموال الغية ؟؟؟؟؟

عبارة عن بعض الياسات..... و بعض اقسامي اللي لطات

2.اشرح لي ما تحت الخط ليش القسم معاي يلط ؟؟؟؟؟

وين يشيلن وين يخطن .....هكي هكي اقسامي لطن

3.علل ليش عزيز رخانا في حالة تشغل خلانا ؟؟؟؟

بالك نبقى نستاهلها .... داير عيبة مايحملها

4.اختر ما بين القوسين (( جدد والا ناس قديمين ))

يالقديم مضايق علمي .... وين غفيت تجي في حلمي

5.اذكر اسباب الياسات اللي عالخاطر ملتمات ؟؟؟؟

رفيق العمر انت ياياس *** اشقابي واترك حال الناس

6.اكتبلي مع الشرح وفسر ليش عزيز معايا قصر ؟؟؟؟

مستحيل عزيز يقصر.... بالك غير معاي يبصر

7.هل تعلم مازلت انريدك لا هنت ولا يوم نسيتك ؟؟؟؟

نقدر نهون اللي جفوا نسيوني... ونقدر نخادع كيف ماخدعوني

وهذي غناوة سمعت امس في الليل يوم 23*11*2008 في فرح للغناي ابراهيم بوعزيزة

العين في جديد ماخممت .... هربادت قديم تريد